प्रा.शिरीष मोडक म्हणाले, सारडा महाविद्यालयातील खेळाडूंनी नेत्रदीपक यश मिळवले आहे. त्यामुळे महाविद्यालयाचे नाव देशपातळीवर उंचावले आहे. खेळात यशस्वी झालेल्या विद्यार्थ्यांच्या वार्षिक गुणांमध्येही वाढ होत असल्याने विद्यार्थ्यांनी मैदानी खेळाकडे वळावे, असे आवाहन केले.
संजय जोशी यांनी सारडा महाविद्यालयातून विद्यार्थ्यांना सर्व भौतिक सुविधा देण्याबरोबरच क्रीडा साठी सर्व प्रकारचे सहकार्य संस्था करत आहे, असे सांगितले. अजित बोरा यांनी सर्व खेळाडूंचे अभिनंदन केले. क्रीडा विभाग प्रमुख प्रा.संजय धोपावकर यांनी वार्षिक अहवाल सादर केला. प्रा.संजय साठे यांनी आभार मानले, प्रा.अरविंद झरेकर यांनी सूत्रसंचालन केले.यावेळी उपप्राचार्या डॉ.मंगला भोसले, डॉ.मिलिंद देशपांडे, प्रबंधक अशोक असेरी, बी.यु.कुलकर्णी आदी उपस्थित होते. वार्षिक पारितोषिक वितरण समारंभात प्रणिती सोमण (सायकलिंग), सुयोग वाघ (चेस), संकल्प थोरात (सायकलिंग), मंगेश ताकमोगे (सायकलिंग), भारती आचार्य (रायफल शुटींग), तेजस्वीनी कदम (रायफल शुटींग), अदिती भेसे (रायफल शुटींग), चतुर देवेश (रायफल शुटींग), राजश्री फटांगडे (रायफल शुटींग), सिद्धांत पीडीयार (सायकलिंग), पारस नाथू (सायकलिंग), सर्वे वरद (सायकलिंग), केदार साठे (सायकलिंग) राष्ट्रीय खेळाडूंना ब्लेझर देण्यात आले.
